Автономна Покраїна Войводина

Войводина то автономна покраїна гражданкох и гражданох хтори у нєй жию, у составе Републики Сербиї.

З векшей часци то ровнїнски край хтори пререзую три плївни рики – Дунай, Тиса и Сава, як и каналска мрежа, драги и гайзибански драги, повязуюци централну и заходну Европу з Балканом и Блїзким востоком. Найзначнєйши вязи то Коридор X – за драгови транспорт и Дунай европски коридор VII – за водов транспорт. У Войводини ше находзи и найстарши национални парк – Фрушка гора, а на схилох истоменней гори, през вики, вибудовани седемнац манастири.

Войводину характеризує богатство квалитетней обрабяцей жеми, обща привредна и културна розвитосц, велька густосц населєносци и демоґрафска рижнородносц. Войводина то реґия у хторей ше традиционално пестує вецейязичносц, вецейкултуралносц и вецейконфесионалносц.

На териториї Войводини єст 45 општини и городи, як єдинки локалней самоуправи, хтори розпоредзени до седем округох, зоз шедзисками у городох: Суботица, Зренянин, Кикинда, Панчево, Зомбор, Нови Сад и Сримска Митровица.

Универзитет у Новим Садзе други по велькосци универзитетски центер у Сербиї зоз 14 факултетами, трома институтами, 50.000 студентами и 5.000 занятима.

Главни привредни конари тоти: польопривреда и аґробизнис, провадзаца автомобилска индустрия, ИТ сектор, металски сектор, дїловни услуги, туризем.

Контакт

Булевар Михайла Пупина 16
21101 Нови Сад

Автономна Покраїна Войводина
Република Сербия

021/487-40-00
presbiro@gmail.com


© 2019 Покраїнска влада