Покраїнска влада

Покраїнска влада вивершни орґан Покраїни. Роботу Покраїнскей влади унапрямує Скупштина АП Войводини. Покраїнска влада одвичательна Скупштини АП Войводини за свою роботу.

Зоз Покраїнску скупштинску одлуку о Покраїнскей влади ше ушорює состав, мандат, компетенциї и други питаня од значносци за роботу Покраїнскей влади. Способ роботи Покраїнскей влади ше ушорює зоз Дїловнїком о роботи Покраїнскей влади.

Покраїнску владу твори предсидатель, єден або вецей подпредсидателє и члени Покраїнскей влади.

Предсидатель Покраїнскей влади водзи и усоглашує роботу Покраїнскей влади у складзе з напрямками Скупштини, представя Покраїнску владу, подписує акти хтори вона приноши, стара ше о применьованю Дїловнїка о роботи Покраїнскей влади и окончує други роботи яки утвердзени зоз Статутом, покраїнску скупштинску одлуку и Дїловнїком о роботи Покраїнскей влади.

Члени Покраїнскей влади за свою роботу и за стан у обласци зоз свойого дїлокругу одвичательни Скупштини, Покраїнскей влади и предсидательови Покраїнскей влади.

Попри сербского язика и кирилкового писма, у орґанох АП Войводини ше ровноправно службено хаснує и мадярски, словацки, горватски, румунски и руски язик и їх писма, у складзе зоз законом.

Компетенциї Покраїнскей влади:

- вивершує покраїнски скупштински одлуки и други общи акти Скупштини; вивершує закони кед є за тото овласцена;

- приноши покраїнски уредби и други общи акти пре вивершенє законох и покраїнских скупштинских одлукох, за хтори є овласцена зоз законом або зоз покраїнску скупштинску одлуку;

- формує фахово и други служби за окончованє роботох у своїм дїлокругу, у складзе зоз законом, Статутом и покраїнску скупштинску одлуку;

- предклада Скупштини буджет и закончуюци рахунок;

- предклада Скупштини програмни, розвойни и плански документи и поднїма мири за їх запровадзованє;

- предклада Скупштини покраїнски скупштински одлуки и други общи акти;

- поставя и розришує покраїнских функционерох хторих нє вибера и розришує Скупштина;

- унапрямує и усоглашує роботу покраїнских орґанох управи и окончує надпатрунок над їх роботу;

- надпатра роботу привредних дружтвох и установох хтори окончую явни овласценя и други роботи у питаньох од покраїнскей значносци, а чий снователь АП Войводина;

- управя и розполага з явну власносцу АП Войводини, у складзе зоз законом, о чим поряднє дава звити Скупштини;

- на вимаганє Скупштини, компетентного роботного цела або предсидателя Скупштини дава думанє о предлогу покраїнских скупштинских одлукох або другого общого акта хтори Скупштини поднєсол други предкладач;

- кед ше Скупштина нє може зисиц, приноши общи акти и поднїма мири з компетенциї Скупштини у случаю елементарних нєпогодох и у других позарядових ситуацийох, пре одстраньованє тих позарядових ситуацийох, у складзе зоз законом;

- предклада Скупштини заключованє спорозуменьох з одвитуюцима териториялнима заєднїцами других державох;

- подноши порядни рочни звит о роботи Скупштини, а на єй вимаганє и позарядови звити о роботи;

- приноши Дїловнїк о роботи Покраїнскей влади;

- окончує други роботи хтори утвердзени зоз законом, Статутом и покраїнску скупштинску одлуку.

Контакт

Булевар Михайла Пупина 16
21101 Нови Сад

Автономна Покраїна Войводина
Република Сербия

021/487-40-00
presbiro@gmail.com


© 2019 Покраїнска влада